ЭЗОП 

Тамсил 

Өмүрүндө арстанды көрбөгөн түлкү болуптур. Бир күнү ал арстанга капыл-тапыл кезигип калып, коркконунан жаны оозуна кептелиптир. Экинчи жолу да арстандын бет маңдайынан карп-күрп кезигишкен бечаранын жүрөгү «болк» дей түшөт, бирок мурунку көргөндөгүсүндөй анча коркпойт. А үчүнчү жолу кездешкен жерден арстандын алдында шердене түшөт. Ал тургай жанына жакын шыңаарлап барып сүйлөшкөнгө батынат.

Тамсилди баамдасак, көрсө биз турмушта да баардык коркунучка көнүп кетет экенбиз.

Балыкчы

Чоорду укмуштай сыбызгыта ойногон балыкчы болуптур. Бир күнү ал торун жана чоорун алып, балык уулоого деңизге жөнөйт. Деңиз жээгиндеги жар кырына турат да, чоорун сыбызгыта ойноп, мындай кооз үндү эшиткен балыктар суудан өздөрү чыгып келет деп ойлоптур. Бирок анын чоорду сыбызгытканынан эч майнап чыкпайт. Акыры жадайт да чоорун чөнтөгүнө салып, сууга торун жаят. Мына, көрүп ал анан: торго балыктын жайнаган түрлөрү түшүп, колуна тийген олжону жээкке араңдан зорго сүйрөп чыгат. Туйлаган балыктарды көргөн балыкчы ошондо:dutka

– Йе-е, мээси жоктор десе, чоордун үнүнө бийлебедиңер эле, эми чоор үнү өчкөндөн кийин бийлейт бекенсиңер?! – деген экен.

Бул тамсилдин мааниси орунсуз обу жокторго нуска.

Түлкү жана илбирс

Түлкү менен илбирс кимибиз сулуубуз деп мелдеше кетишет. Илбирс чаарала терисин ашыра мактап киргенде түлкү ага маминтип жооп кайтарат:the-fox-and-the-leopard

– Албетте, менин терим сеникиндей чаарала эмес, а бирок амалым болгон үчүн сенден алда канча

ажарлуумун го, баатыр!

Тамсил жайы ушул: тышкы эмес, ички сулуулук баалуу.

Кыргызчалаган О.ШАКИР

Добавить комментарий

Ваш e-mail не будет опубликован. Обязательные поля помечены *