Уильям БЛЕЙК zsgwqtqralg

(1757-1827), англис акыны жана сүрөтчү  

Акылдуу менен акылсыздын маңдайында терек турса, экөө аны эки башка көз менен көрөт.

* * *

Жашоодо дөөдүрлөр болгонуна да шүгүр. Аларды көрбөсөк, биз да дөөдүрөп жүрмөкпүз.

* * *

Касты эмес, досуңду кечириш оңой.

Мишель МОНТЕНЬmichel_de_montaigne_1

(1533-1592), француз эссечиси

Оорудан корккон адам өзүнөн өзү ооруга чалдыгат.

* * *

Жеткен ырайымсыздар суужүрөк келет.

* * *

Жылтырата тазаланган өтүк эмес, кычырата тигилген өтүк бутуңду жарашыктуу көрсөтөт.

* * *

Бир нерсени жек көрүп калдыңбы? Демек, так ошону жүрөгүңө жакын кабыл алгансың.

* * *

Байлыкка чиренгендердин эстерине экмет: байлык силерге эмес, силер байлыкка кызмат кылып жүрөсүңөр.o471

Аксель ОКСЕНШЕРНА

(1583-1654), граф, Швеция концлери  

 Эр ортону элүүңдө турмушка төнө баштайсың, алтымышыңда турмуш сага төнөт.

* * *

Жыйырма жашында бирнерсе билбегенден бирнерсе чыкпайт, отузунда ооз ачпагандан ой күтпө да, кырк жашта бирнерсе кыйратпагандан үмүтүңдү үз.

* * *

Жашоодон зериккен жандар сенин да жашооңду зерикме кылып таштайт.

* * *

Үйүндө китеп тирелип турган адамдар түркөй болорун көп байкадым.

Блез ПАСКАЛЬ62

(1623-1662), француз окумуштуусу, философ  

Жашоо маңызын сезбейбиз, болгону жашап жүрөбүз.

* * *

Клеопатранын мурду бираз жалпак болгонделе жер шары башкача болмок.

* * *

 Канчалаган канкорду өлүм жазасына тартабыз, ошол туурабы? Жок. Биз кайра канкорлордун эсебин көбөйтөбүз.

* * *

Окурман аягына чыккан соң бүйүр козгоп, андайды өзү жазуу оңой көрүнсө, демек ал мыкты китеп.

* * *

Ким китепти өтө шар же тамгалап ташып окуса, анда ал эчнерсеге түшүнбөгөн окурман.

* * *

Көптү билүүгө умтулуу деле абыгерчилик. Эмнеге баарыбыз тең көптү билүүгө умтулабыз? Башкаларга мактаныш үчүн.

* * *

Адамдар көп учурда кашкайган далилге эмес, көңүлгө төп келер божомол-дөдөмөлгө ишенет.

* * *

Биз дайыма болор-болбос нерсеге сооронуп калганыбыздын себеби, көп учурда болор-болбоско муңайым тартабыз.

* * *

Ашкере азаттыктын өзү да коркунучтуу, анан кем-карчыны сезбеген жашоо жашоо эмес.

***

Туура эместигин билип туруп эмне үчүн үрп-адаттан чыкпайбыз? Себеби ал үрп-адат. Эл ага сокур сезим менен ишенген үчүн үрп-адат жолунан чыккысы келбейт.

* * *

Адам периште да, айбан да эмес. Бирок анын бактысыздыгы – дайыма периште көрүнөм деп, айбан кейпин кийип калат.

Кыргызчалаган О.ШАКИР

Добавить комментарий

Ваш e-mail не будет опубликован. Обязательные поля помечены *